​ភ្នំពេញ​៖​ឆ្លើយតប​ការ​ប្រតិកម្ម​និង​មតិ ពី​មជ្ឈដ្ឋាន​នានា​ដែលថា​សមាជិកសភា​មួយចំនួនធំ​មិនបាន​បំពេញការងារ ជា​ភារកិច្ច​បស់​ខ្លួន​អស់​ពេល​យូរថ្ងៃ​មកហើយ​តែ​នៅតែ​មក​បើក​បៀវត្សរ៍ និង​ប្រាក់​បំណាច់​ផ្សេងៗ រួមទាំង​ការប្រើប្រាស់​មធ្យោបាយ​រប​ស់​រដ្ឋ​សព្វបែបយ៉ាង​ទៀត​នោះ គណៈកម្មាធិការ​អចិន្ត្រៃយ៍ នៃ​រដ្ឋសភា សម្រេច​ឲ្យ​គណៈកម្មការ​សេដ្ឋ​ច្ច ហិរញ្ញវត្ថុ ធនាគារ និង​សវនកម្ម​នៃ​រដ្ឋសភា និង អគ្គលេខា ធិ​ការដ្ឋាន​រដ្ឋសភា​សិក្សា និង​ពិចារណា​ទៅលើ​ការបើកប្រាក់​បៀវត្សរ៍​និង​ការប្រើប្រាស់​មធ្យោបាយ​នានា របស់​តំណាងរាស្ត្រ​មកពី​គណបក្ស​សង្គ្រោះ​ជាតិ ដែល​មិនបាន​ចូល​បម្រើ​ការងារ ព្រមទាំង​បានស្នើ​ឲ្យ​ដាក់វិន័យ​ទៅតាម​បទបញ្ជាផ្ទៃក្នុង របស់​រដ្ឋសភា​ផងដែរ​។​

​គណៈកម្មាធិការ​អចិន្ត្រៃយ៍ នៃ​រដ្ឋសភា បាន​បញ្ជាក់ថា អវត្តមាន​របស់​តំណាងរាស្ត្រ ដែល​ពុំបាន​ចូល​បំពេញការងារ​គឺជា​ការ​ល្មើស​ទៅនឹង​បទបញ្ជាផ្ទៃក្នុង នៃ​រដ្ឋសភា​។​

​គណៈកម្មាធិការ​អចិន្ត្រៃយ៍ នៃ​រដ្ឋសភា តម្រូវ​ឲ្យ​យក​លទ្ធផល នៃ​ការសិក្សា​ពិចារណា​ខាងលើ ទៅ​ផ្សព្វផ្សាយ​ជូន​សាធារណជន នឹងត្រូវ​ដាក់ជូន​គណៈ​ក​ម្មា​ធិ​ការ​អចិន្ត្រៃយ៍​រដ្ឋសភា ដើម្បី​ពិនិត្យ​និង​សម្រេច​។​នេះ​មានន័យថា បណ្តា​សមាជិកសភា​ដែល​អវត្តមាន​យូរថ្ងៃ​ដោយ​គ្មាន​មូលហេតុ​ត្រឹមត្រូវ​នឹង​ប្រឈម​ការ​អត់​ប្រាក់បៀវត្សរ៍​និង ដក​រថយន្ត ដែល​រដ្ឋ​បានប្រគល់​សំរាប់​ជា​មធ្យោបាយ​ធ្វើដំណើរ​ក្នុងការ​បំពេញភារកិច្ច​សភា​។​

 សូមបញ្ជាក់ថា តំណាងរាស្ត្រ​មកពី​គណបក្ស​សង្គ្រោះ​ជាតិ បាន​ពហិការ​មិន​ចូលប្រជុំ​រដ្ឋសភា ជាច្រើនលើក​មកហើយ​បន្ទាប់ពី​តុលាការ​មាន​ចំណាត់ការ​តាមផ្លូវ​ច្បាប់​ទៅ លោក កឹម សុខា អនុប្រធាន​ស្តីទី​គណបក្ស​សង្គ្រោះ​ជាតិ​ដែល​មិន​ព្រម​ចូលទៅ​បំភ្លឺ​លើ សំណុំរឿង​សញ្ចា​កម្ម​៕

​